പരസ്പരം വല വിരിച്ച
വിഷച്ചിലന്തികള് നമ്മള് .
എന്നില് നിന്ന് നിന്നിലേക്കും
നിന്നില് നിന്ന് എന്നിലേക്കും
അതിര് തീര്ത്ത്, ഒട്ടുന്ന നൂല്വല.
ചില നൂലുകള്ക്ക് ദിശയറിയാത്ത
വിശപ്പിന്റെ പരവേശത്തുള്ളല് .
ചിലത്, വെറുപ്പിന്റെ പിരിമുറുക്കം
കപട സ്നേഹത്തിന്റെ പുഴുക്കുത്തില്
തേന് പുരട്ടിയ ചിരിനൂലുകള് വേറെ .
ഭയത്താല് വിറയ്ക്കുന്ന പിഞ്ചിയ നൂലുകള്,
കാമം വിജ്രിംഭിക്കുന്ന കറുത്ത നൂലുകള്
ചതി മണക്കുന്ന മറനൂലുകള്ക്ക് പല നിറം.
ഏതെങ്കിലുമൊരു നൂലിലൊട്ടി ഒരിര
എല്ലായ്പ്പോഴും പിടയ്ക്കുന്നുണ്ടാവും ;
നിന്നെയെനിക്കൊരുപാടിഷ്ടമാണെന്ന്
നിന്നില് നിന്നൊരു ചുടുനിശ്വാസം..
ചിലപ്പോഴൊക്കെ എന്നില് നിന്ന് തിരിച്ചും ...
Friday, December 17, 2010
Subscribe to:
Post Comments (Atom)
No comments:
Post a Comment